Atonu o le a ese foi faalogona pe a toe foi ane le alii o Christian Lealiifano i Canberra mo le uluai taimi ae o le a taalo mai o se tama taaalo a le Moana Pasefika ma finau faasaga atu i lana kalapu sa iai muamua ma tele tausaga na taalo ai.
O Leaaliifano e le o toe po se lilo o se tama taalo iloga o le Brumbies e ui sa aafia i le leukaemia ma faatoa toe foi ane i lana kalapu i le 2017 ma ua taalo nei i le Moana Pasifika.
Ta’ua e Stephen Larkham o le faiaoga o le Brumbies ua fiafia o le a toe vaaia Leaaliifano i Canberra ma o ia o se tama taalo iloga ma tāua foi i le komiuniti.
I le feiloaiga talu ai a le Moana ma le Brumbies i Aukilani ia Me 2022 na faiaina ai le Brumbies mo le uluai taimi ma o le a tulimataia foi e le toatele le iuga o le fetauiga lea i le faaiuga o le vaiaso nei.
O le a misia foi lea taaloga e le kamupani o le Brumbies, Allan Alaalatoa ma o le taaloga e faia i le Aso Toonai nei.
