E na o le 13 tausaga le matua o se tamaititi ua pue e leoleo i le mae’a o tuliga na faia i le itu i Saute i Sisifo o Sini i le taeao ananafi.
O le tuliga na amata mai Fairfield poo le ‘afa o le 2 i le vaveao ina ua vaaia e leoleo se taavale Volkswagon sedan sa o latou masalomia ana gaioiga.
A o alu le tuliga na lē mafai e le avetaavale ona taofiofi ma faatonutonu le taavale ma iu ai ina mafuli, sosola uma ese le aualii e toatolu sa i totonu o le taavale faatasi ma le 13 tausaga lea na pue mulimuli ane e leoleo.
O loo tau salia pea e leoleo nisi faamatalaga i le mataupu lenei atoa ai ma le isi toalua e atoa iai le toatolu o loo tau sailia pea.
O loo fesoasoani nei le 13 tausaga i suesuega a leoleo.
