O le asō ua faatulaga e tulai ai se alii i luma o le faamasinoga i le ogatotonu o Niu Sa Uelese ina ua molia i le asō i le fasioti tagata.

Ua molia i lona fasiotia o se tasi i le mae’a o le maliu o se isi foi alii i le itu i Matu o Parkes i le aso ananafi.

Fai mai le lipoti, na valaau ane leoleo i se fale i Boori Street i le itu i Matu o le taulaga lea pe o le te’a o le 11 i le taeao ina ua laga popolega o nisi e uiga i le tagata e aumau ai i lea tuatusi. 

Fai ai na maua atu e leoleo ma paramedics le tino o le tagata lea i totonu o le fale ma e lei faamautuina mai poo ai tonu lea tagata ae sa faatino suesuega ma pueina ai loa e leoleo se alii e 38 tausaga lea ua molia i lea mataupu ma e tutulai ai i le faamasinoga i le asō.