O le asō na tutulai ai i luma o le faamasinoga e tali i moliaga se ulugalii i le mataupu o loo feta’ua’ina ai le fasiotia o se alii ma le ave faamalosia o se tamaitai i le Central Coast.
Fai mai lipoti na maua le tinomaliu o se alii i le pitonuu e igoa Wyong i le mae’a o ni lipoti o se tamaitai na sola ese mai ma le fale lea ae feta’ua’ina sa ave faamalosi atu iai.
Fai mai nisi faamatalaga i lenei mataupu e 44 tausaga o lea tamaitai sa ia faamatala i leoleo na taofia ai faamalosia ai o ia i lea fale talu mai le Aso Tofi o le vaiaso talu ai.
E 52 tausaga o le alii ua ta’ua ua maliu ae o lea ua pueina e leoleo le alii e 30 tausaga o Daniel Hasapis ma molia i le ave faamalosia ma le fasioti tagata.
