O le asō ua aloa’ia ai tulafono toe faamalosia o loo aiaia ai refunds mo faigamalaga uma a vaalele e alu aga’i i Amerika.
O tulafono nei o loo aafia atu ai ma le avefu’a a Niu Sila le Ea Niu Sila ma o lea ua mae’a fesoota’i le kamupani i travel agents poo ofisa malaga.
O tulafono fou nei na faailoa mai e le matagaluega o fela’ua’iga a le malo tele i le masina o Aperila ma o lea na faia ina ia laugatasia ma manino ai le faiga o refunds mo faigamalaga nei e lē taunuu, faatuai poo le toe sui mulimuli ma e moomia ai le toe faafoi o tupe a pasese i totonu o vaiaso.
O loo aiaia mai ai foi le tatau ona manino uma o peimeni o loo totogi poo fees a o le’i totogia le pasese o le tagata malaga.
O le fautuaga a le Ea Niu Sila ua ave i ofisa malaga, o tulafono nei e aofia uma ai malaga e alu ma toe foi mai Amerika, e tusa lava foi pe e le’i amatalia mai Amerika faigamalaga a le tagata malaga.
O le Ea Niu Sila o lea e lele i aai e lima o Amerika ma mālōlō ai a o le’i faaauau atu i isi atunuu, ma o lona uiga o tulafono fou ua amata faamamalu i le asō o loo toe agavaa ai le tagata malaga e lē gata o le pasese na totogi, lafoga ae faapea ai ma isi lava fees e fesoota’i ma le faigamalaga pe afai ae lē taunuu le malaga.
E ese mai i le tau o pasese, ua agavaa ai foi pasese i refunds pe afai ae tuai ona taunuu atu ato.
Puna o Faamatalaga: What Air New Zealand is telling travel agents about tough new rules for US flight disruption – NZ Herald
