Ua ta’ua mai i se imeli ua liki i tua o lea na faaluaina le toatele o gasegase na sulu atu i le Emergency Department poo le ED a le falemai i Kalaiesetete i le po na alu atu ai le tina lea ua mulimuli maliu.
O le lua Aso Sa talu ai na alu ane ai le tina ua maliu i le falemai i Kalaiesetete ma e tolu itula o faatali se fomai ma o lea na faavaivai ai loa ma toe foi.
Peitai ina ua taunuu atu i le taavale na pa’ū ai loa, ma o lea na toe ave ai i totonu e lana tama teine.
O le aso na sosoo ai na uma ai lona soifua ma e maliu o loo taofia i le potu tigaina poo le ICU.
Lipotia e le Stuff o se mataupu ua sau ai i tua ina ua liki i tua le imeli, ma o lea imeli o loo faamatalaina ai i le aufaigaluega le mea na tupu atoa ai ma le tautino o le sui o le pulega o lea sa matuai faatumulia le ED.
Leai se tala mai le Te Whatu Ora ona o loo faagasolo suesuega i le taimi nei, pau o lea o loo ioe i le pisi tele ma le umi o taimi o loo faatalitali ai se fomai i emergency department.
