O loo vaavaai le pulega a le Waka Kotahi pe e lē tatau ona toe liuliu lana faai’uga e faatatau i le trial o le faaavanoaina o se vaega o le auala laupapa a le Auckland Harbour Bridge mo tagata savavali ma i latou e faaaogāina uila vilivae.
O le trial lenei na faatalosagaina ai e le malo i le tausaga talu ai le faia i se taimi lē pisi o le tausaga, peitai na mana’o le pulega e faia se aso se tasi ma o lea na fuafua mo Novema o le tausaga nei.
A o fetuuna’i ai le pulega, ua iai faiga taufaamata’u mai se tasi o kulupu e faapea, e oo i le tulafono pe a lē faataunuu le mea o loo manana’o ai, ma o loo ma’oti lava le mana’oga ia faia le trial i le lane o loo i fafo o le itu i Sasae.
E oo mai i le taeao nei e le’i tali le pulega, pau o lea o le aso 18 o le masina nei o loo fono ai ma toe vaavaai i le talosaga, ma e faailoa mai se tali a o le’i uma Aokuso.
O se mataupu o loo pa’ū uma i le pulega o taavale afi ae lē o le malo.
