Ua toe tatala le ofisa o le amepasa o Amerika i Solomona.
O le lipoti mai lea ina ua mae’a ona faailoa e le malo tele o Amerika i le amataga o le tausaga talu ai e faapea o loo toe vaavaai e faamalosia lana faapaaga ma atunuu Pasefika.
O se gaioiga ua faia i le taimi tonu ua amata popole Amerika i le vave ofi mai o Saina i totonu o Solomona.
Ta’ua e le failautusi o le malo o Amerika Anthony Blinken, o le toe tatala ma toe iai o le amepasa o Amerika i Solomona o se faailoga o le toe faafou o faiga faapaaga a Amerika ma Solomona.
Ua latalata i le 30 tausaga talu ona leai se amepasa o Amerika i totonu o Solomona.
