Ua talosaga mai leoleo i tagata o loo nonofo i Saute i Ssifo o Waikato e lipoti atu i le ofisa pe a iai ni meatotino ua gaoia pe vaaia foi le tamā ia Tom Phillips ma le fanau e toatolu.
O lea ua 18 masina o nimo Phillips ma lana fanau, peitai o le vaiaso talu ai na toe vaaia ai o loo fealuai i le pikiapu gaoi.
E le tasi se isi na iloaina ma o lea na faamaonia e leoleo o Phillips lea sa fealuai solo i le taavale ma ua taumafai foi e sui ona foliga.
Ua toe maua le pikiapu gaoi ae lē o maua lava Phillips faapea ai ma tamaiti.
Fai mai leoleo i le Aso Gafua ua faaopoopo sui o le ofisa i le pitonuu o loo masalomia, ma le talosaga ua aumai e vave logo atu le ofisa pe a silafia nisi faamatalaga.
