Ua toe solomuli le Auckland Transport ma ana fuafuaga na fai mai ai o le a amata aveesea mai le vaiaso fou kapaka o loo paka ai taavale i Karangahape Road poo K Road.
Na toe talo e le pulenuu ia Wayne Brown ananafi le tatau ona toe auiliili, mulimuli ai toe faatoese le Auckland Transport ma fai mai e lei lelei ona faatalanoa pisinisi o loo aafia ia latou fuafuaga.
O kapaka nei na manao iai le Auckland Transport e faaavanoa mo feoaiga a pasi, peitai e lei malilie iai pisinisi i lea vaega pisi o Aukilani ona o lea e faaaogā e tagata faatau.
Ae mai le pulenuu e lē o fiafia Aukilani ua ia faailoa o lea ua ta’utino le Auckland Transport i lona sese.
O lona uiga, o lea ua toe faatumauina lava kapaka o loo paka ai taavale a pisinisi i K Road.
