Ua toe faamaonia foi le silia ma le afe o cases fou poo isi tagata ua faamaonia le aafia I le koviti 19 mai le setete o Niu Sau Uelese I Ausetalia. Ole faamatalaga lata mai I le aso ua taua ai e 1164 e ua aafia I le 24 itula talu ai ma leisi toatolu o tagata ua maliliu.

E oo mai I le taimi nei e 871 gasegase ole koviti o loo taofia I le falemai, 143 o loo I le vaega tigaina male toa 58 o loo faaaoga masini faamanava. Sa faalauiloa e le Premier I le amataga o le vaiaso ni lapataiga e ono oo I se tulaga faatumuina falemai I faaitu o loo tetele ai le pepesi o le koviti mae foliga e faasolo ina faateteleina pea le aofai o tagata aafia agai atu I le masina o Oketopa.

O loo faaauau pea le unaia o le faia o tui puipui o tagata I le setete ma le folafolaga o le a faamamā nisi o aiaiga o vavao pe afai e ausia le 70 poo le 80 pasene o tagata e faia uma tui puipui e lua o le faama’i.