Search
Jai Opetaia
Jai Opetaia

Toe saili Jai Opetaia mo le fusi o le IBF

O le siamupini muamua o le lalolagi i le aupaga o le Cruiserweight Jai Opetaia, o le a ia maua le avanoa e na te toe umia ai lana fusi o le IBF, pe a toe fetaui ma Mairis Briedis i Riyadh Saudí Arabia i le aso 18 o Me.

O Opetaia, e 24 fusuaga, e leai se faia’ina i le 19 manumalo i le tu’ioti, sa ia faatoilaloina Briedis ma ia faoa ai le siamupini i le lata i le lua tausaga ua mavae i Gold Coast i Ausetalia.

E lua vaega o le auvae o Opetaia sa gau ae sa faaauau lava ona fusu ma manumalo ai i ‘ai i le auautasi o faaiuga a faamasino.

Sa maumautu le puipuia e lea tama Samoa Ausetalia e 28 tausaga o lana siamupini, i le 14 masina mulimuli ane, ina ua manumalo i le tu’ioti ia Jordan Thompson i Lonetona i Peretania.

Ae o lea tama e fusu i le agavale, sa faoeseina le fusi ma ia a o lumanai le la fusuaga ma Ellis Zorro i Saudia Arabia ia Tesema, ona avanoa ai lea o le siamupini.

O se toe fusuaga i le va o Opetaia ma Breidis mo lea fusi ua faatagaina e le faalapotopotoga o fusuaga a le IBF.

O se tasi o tama fusu i Gold Coast Andrew Moloney sa ia faaalia i se faatalanoaga e faapea, o se mea manaia tele le vaai i se isi tama Ausetalia o faia ni mea maoa’e.

Faaalia e Moloney, o laua e iloa e le tasi le isi, e fesoasoani le tasi i le isi, sa la malaga faatasi foi ma Opetaia i taaloga a Malo o le Taupulega i le 2014.

Ma ia ta’ua ai, o Opetaia e tumau pea ona tilotilo iai o le tupu o le aupaga o le Cruiserweight, e ui lava ina sa faoese le siamupini.

I lona manatu, e manumalo Opetaia ia Breidis pe a toe fusu, ma ia ta’ua ai, sa ia faatoilaloina Briedis i le fusuaga muamua i le 2022, ae talu mai lea taimi, e lei toe fusu lava lea tama Latvian ae o Opetaia sa pisi.

Tala sili ona faitaulia

POLOKALAME A LEOLEO

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

Keep uptodate with Radio Samoa activity & promotion

* indicates required