O le vaiaso nei e toe ola ai moli faasino taavale poo traffic lights a le taulaga o Gisborne talu mai ona faaleaga e le afā o Gabrielle.
O le ogatotonu o Fepuari lea na asiasi mai ai Gabrielle ma faaleagaina le tele o meatotino a aiga e aofia ai meatotino a le malo o loo faaaogaina e tagata lautele.
E tusa ma le $40,000 le tupe e alu a le council na toe faaola ai traffic lights nei na faaleagaina, ma o se fiafiaga le toe faaola o moli e tusa ma saunoaga a le pulenuu.
Ua faafetaia ai foi e le Council le augalulue i galuega fita faapea tagata lautele i le lava onosai.
O lea sa faaaoga le roundabout le tumau i taimi a o faia galuega faaleleia o traffic lights.
