Toe maua se alii na sola ese mai le nofoaga na faanofoesea ai

O se nofoaga i Moamoa na faanofoesea ai nisi o pasese na taunuu i le vaiaso na tea nei na sola ese ai se taule’ale’a na faamautu ai.O lea alii o Ioane Taualamai Ponifasio o Vaitoloa ma e 26 tausaga le matua.  

O le itula e 6 i le taeao o le Aso Lulu na tulai mai ai lea gaioiga ma agai ane ai i le taulaga lea taule’ale’a ma ulufale i se lālā o se pisinisi tala tupe o le Western Union o loo i le fogafale i lalo o le Faletupe o Atinae. 

 Na vave gaioiga a le aufaigaluega a le Matagaluega o le Soifua Maloloina ma saili lea alii ma maua i le 9 i le taeao o loo tu i le laina e tala ai tupe. Na toe faafoi ai lava i le nofoaga o loo faanofoesea ai pasese mai fafo ona o puipuiaga o le faama’i o le Koviti19.  

Ua faaalia e le Faatonu Sili o le Matagaluega a le Soifua Maloloina Leausa Dr. Take Naseri ua uma ona fai tui puipui o lea alii talavou a’o le’i malaga atu i Samoa ma ua tolu ana suega poo test talu ona taunuu e le’o aafia lava i le Koviti. O lea taulealea o se tasi o tagata faigaluega faavaitaimi sa i Niu Sila ma e 21 aso na tuuina ai e tatau ona faanofoesea ai le toatele o lenei pasese.  

O i latou uma sa i totonu o le lālā a le Western Union i le taimi sa iai lea alii ua faafesootai uma ma o le a faanofoesea mo le 2 vaiaso aua lava puipuia o tagata lautele. E ono faasala lē na sola i tua e ala i le totogi o le tino i tupe e $2000 tala.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required