E 8 tausaga o se teineitiiti ua lipotia na aveesea mai e se alii mai se nofoaga mo le puipuiga o tamaiti i le Sunshine Coast i Kuiniselani ma ua lipotia ua toe maua ma o loo saogalemu.
Na faamatuu ane e leoleo se lapata’iga i le mataupu lea i le taeao ananafi ina ua lipotia le mataupu.
O le teineitiiti sa i lalo o le vaavaiga a le Matagaluega mo le Saogalemu o Tamaiti ma na aveesea mai le ofisa o le auaunaga lea i Maroochydore poo le te’a o le 10 i le taeao ananafi e le alii fai mai e iloa e le teineitiiti.
O le faamatalaga mai le leoleo asiasi sa feagai ma le su’esu’ega, Scott Wiggins ua ta’ua ai na ave faamalosi e le tagata lea le teineitiiti mai lea nofoaga a o vaavaai iai nisi, tuu i totonu o le taavale ma aga’i ese mai.
Fai mai e le’i tali ane lea alii i le fesoota’i atu a leoleo, i le mae’a o sa’iliga na toe maua ai le teineititi i Errah Vale poo le 6 i le afiafi ma o loo saogalemu.
Fai mai na maua faatasi atu iai ma le alii lea e 38 tausaga ma o loo su’esu’e e leoleo.
E lē o faailoa maia i le lipotia le sootaga o i la’ua o loo aofia i lea mataupu.
Puna o Faamatalaga: https://www.9news.com.au/national/urgent-search-for-8yearold-taken-from-sunshine-coast-facility-by-man/a188642d-9cd6-4bfd-be0d-48b734e75927
