Ua toe maua le alii lea na feta’ua’ina le sola ese mai le vaaiga a leoleo i le faai’uga o le vaiaso i Sini.
O ia lea o Mulla Altinok, e 28 tausaga le matua, na mulimuli vaaia i Bankstown i le ‘afa o le 6 i le taeao o le Aso Toonai ma amata ai sailiga a leoleo.
Na toe maua i se unit i Bankstown i le 9.40 i le po anapo ma toe pu’e ai e leoleo.
Ua molia i le sola ese mai le vaaiga a leoleo ma e lei taliaina le tatala i tua ma e toe tula’i i le faamasinoga i le asō.
E lē o ta’ua i le lipoti le mafuaaga na pu’e ai e leoleo ma taofi i le ulua’i taimi.
Puna o Faamatalaga: https://www.9news.com.au/national/bankstown-police-searching-for-man-who-escaped-from-custody/1d348761-2ed0-4d8d-984a-aee9651f9d87
