Search
Search
Photo by Talamua Online

Toe Manumalo Ale, Tu’uu ma Mau’u i Faigāpalota Laiti

O le asō lea na faataunuu ai faigāpalota laiti a itumalo o Faleata Nu. 4, Siumu ma le Vaa o Fonoti.

O le iuga mai le uluai faitauga o nei palota, ua tulai mai ai, ua toe manumalo uma mai sui e toatolu lea na toe foi e fai a latou faigāpalota, le Afioga i le Igoa Matua, Tofā Ale Vena Ale mo le itumalo faapalota o Faleata Nu.4, le Tofā Tu’uu Anasii Leota mo le itumalo faapalota o Siumu, faapea le Tofā Mau’u Siaosi Puepuemai mo le itumalo faapalota o le Vaa o Fonoti.

Ale Vena Ale, Vaaaoao, Mau’u Siaosi Puepuemai, Tu’uu Anasii Leota. Photo by Alexandra Rose Ale Pisi

Mo le itumalo faapalota o Faleata Nu.4, ua toe manumalo mai Ale Vena Ale i palota e 867, ae tulaga lua Ulu Bismark Crawley, na ia maua palota e 396.

Mo le itumalo faapalota o Siumu, ua toe manumalo mai Tu’uu Anasii Leota i palota e 599, tulaga lua Faalogo Kapeli Faalogo Lafaele, na maua palota e 505, ae tulaga tolu Tu’uu Amaramo Sialaoa Pagamalie, na ia maua palota e 184.

Mo le itumalo faapalota o le Vaa o Fonoti, ua toe manumalo mai Mau’u Siaosi Puepuemai i palota e 739, tulaga lua Leausa Take Naseri, na ia maua palota e 201, ae tulaga tolu Feutaga’iimealelei Osovale Brown, na ia maua palota e 32.

Mo le vaai atu i le iuga mo vaega faaupufai, ua tulai mai ai le manumalo uma o sui sa tauva i lalo o le fu’a a le vaega faaupufai a le Faatuatua i le Atua Samoa ua Tasi poo le FAST, ma ua tulai mai ai le aofaiga atoa o sui o lenei vaega faaupufai i le to’a 35 ai nei o ona sui auai.

Ae mo le silafia, o nei faaiuga ua na o le faitauga muamua, ae atonu o se aso lava lata mai o le a fofoga mai loa e le Ofisa o Faigāpalota le iuga aloaia o nei faigāpalota laiti poo Bi-Election.

Tala sili ona faitaulia

Tala mai samoa

TALA FOU MAI SAMOA

SAMOA UPDATE

PODCASTS

Listen on

FAATALATALANOAGA

TALA O TAALOGA

POLOKALAME A LEOLEO

Keep uptodate with Radio Samoa activity & promotion

* indicates required