Ua toe faaopoopo e le Malo le totogi ua ofoina mo tausi soifua a le Te Whatu Ora i le 1.5 piliona ma le faamoemoe e faamuta ai le mataupu ua faaumiumi ai finauga e uiga i totogi.
E silia ma le 30 afe tausi soifua a le Te Whatu Ora o le a palota i le ofo fou lenei ma afai ae taliaina e tausi soifua, o lona uiga o le a maua e tausi soifua a le totino lea, le isi 4.5 pasene faaopoopo o le siitaga o le totogi mai le 69,566 i le 99,630, penalty rates ma tausi soifua sinia o le a maualuga atu a latou siitaga.
Ua faailoa foi o le a maua e i latou le vaegatupe faaopoopo e 15 afe mo le backpay.
Ua saunoa le minisita o le soifua maloloina o Ayesha Verral o le aofai atoa la o le vaegatupe ua ofoina ua oo atu i le 4 piliona e aofia ai le siitaga e 6.5 pasene mo tausi soifua sinia, 4.5 pasene o le siitaga mo tausi soifua lesitalaina, i latou ua lesitala i lea auaunaga, tagata faigaluega health care ma i latou e galulue i tausiga o gasegase tau le mafaufau e aofia uma ai i lea siitaga.
O loo faatalia nei la se tali a tausi soifua i lea ofo fou.
