Faato’a lua aso talu ona mavae atu le lavea o le pasi i Fagaloa i le faaiuga o le vaiaso talu ai, ae o lea foi ua tomua lenei vaiaso i le isi foi pasi na lavea mai Falelima i Savaii i le Aso Gafua.
E leai se tasi o lipotia mai na ma’umau ai se soifua i le isi lea faalavelave lona lua, ae na o tagata o le pasese na auina atu i le falemai i Sataua e siaki ai mo ni manuaga.
O le a toe maua atu se atoaga o lenei lipoti pe a maua mai faamaumauga mai le ofisa o leoleo, ae o se vaaiga matautia foi o loo iai ata o lea faalavelave mai le motu tele i Salafai, lea ua faataamilo solo i luga o le apiofoliga (facebook), ma ua maitauina ai le tele o le sa’i o tagata i le tulaga lē saogalemu o loo iai nisi o nei pasi, ae o nisi o loo ta’ua le tulaga o le alu saoasaoa o nei taavale i luga o auala.
