Fai mai lipoti i le one News ua ‘afa le alavaa o le faigamalaga na alu a le Ea Niu Sila i Niu Ioka ae toe liliu mai ai ona o le tapunia o se tasi o vaega o le malaevaalele a JFK .
Ta’ua mai o le vaa na agai ese mai i le ta o le 8 i le afiafi ananafi ma ua fuafua e toe tulaueleele mai i Aukilani i le aoauli o le asō. Fai mai lipoti o se afi na sasao ane i le terminal o le malaevaalele na mafua ai le faaletonu.
Ua ta’ua mai o le a toe faatulaga ai ma bookings a le pasese e fua i auaunaga o loo avanoa ane.
Ua tulai mai lea faaletonu ae lei leva foi ona faamalosia le toe foi o isi malaga na agai atu mo Aukilani ae o loo tapunia le malaevaalele ona o le afā o Gabrielle.
