Police

Toe faalogoina foi laau malosi i Aukilani i Sisifo anapo 

Toe faalogoina foi laau malosi faapapa i le po anapo i Aukilani i Sisifo. 

O lea ua sosoo po o faalogoina laau malosi o pāpā i lea vaega o Aukilani, e pei ona iai le tolu fale na tafana i le po o le Aso Lua e ese ai le fā i Aukilani i Saute. 

Tuufaatasia tala fou ua faamaonia mai e le sui o le ofisa o leoleo o Vina Place i Massey lea na maua mai ai ripoti, ma e leai se isi na faamanu’alia ai. 

E lē o mautinoa mai foi i le taimi nei pe iai se fesootaiga ma vesiga a kegi o loo iai nei, ma e oo mai anapo e leai se isi ua molia amata mai i laau malosi na tafana i fale o aiga i le po o le Aso Lua. 

Talu mai le Aso Sa ua 12 mataupu e lipotia i leoleo e fesootai ma laau malosi e tusa ai ma lipoti na tuuina mai leoleo. 

Scroll to Top

Keep uptodate with Radio Samoa activity & promotion

* indicates required