O tagata sa faaaogaina auaunaga a le UBER i le taimi na tulai ai se faaletonu i auaunaga a trains i Sini i se taimi e lei mamao atu, ua faailoa i se lipoti i le asō o le a toe faafoi iai a latou tupe refunds ma ua faailoa foi e le Pule o auaunaga ia a trains, o le a toe foi lava femalagaa’iga i trains i tulaga e pei ona masani ai e amata atu i le asō.
O le faitau afe o tagata e faaaogaina auaunaga ia o femalagaa’iga lautele na poloka a o taumafai e agai i aiga i le aso ananafi ona o se faaletonu i le auaunaga lea i le aso ananafi.
Fai mai na agai ai le toatele e faaaoga pasi, trams, vaa aemaise taxi ma uber ia vave ai ona oo i aiga.
Peitai la ua maitauina ai le agai i luga o le totogi o ia auaunaga ma ua faailoa ai le lē fiafia o le minisita o felauaiga David Elliot.
O le asō ua faatoese ai le Uber i lea gaioiga ma faailoa ai o le a toe faafoi ane pe refund tupe a i latou na aafia i lea suiga tele o pasese i le aso ananafi.
