E oo i le faitau selau tagata Ausetalia na poloka i Vanuatu i le mae’a o le mafui’e tele na aafia ai le atunuu ma ua toe aumaia i le atunuu e vaalele a le Air Force a Ausetalia.
O le afiafi ananafi na taunuu mai ai le to’atele o i latou ia i le malaevaalele i Brisbane.
O le Aso Lulu o le vaiaso nei na taunuu ai isi tagata sa iai tonu i le nofoaga na aafia i le mafui’e i Port Vila ma o loo iai pea foi i le taimi nei, vaega a Ausetalia i Vanuatu e fesoasoani i galuega lavea’i o loo faatino ma le faamamāina o mea sa faaleagaina.
O isi lipoti aupito lata mai ua ta’ua ai o loo siitia pea le aofa’i o tagata maliliu mai lea faalavelave ma e iai se isi tinā e faigaluega i galuega faavaitaimi i Ausetalia, fai mai faato’ā lua aso talu ona foi i Vanuatu ae tupu le faalavelave ma maliu ai ae totoe ai na o si ana tama e tolu tausaga le matua.
Ua faaoo faamaisega i aiga o nai tagata ua aafia a o faaauau ai pea galuega lavea’i i Vanuatu.
Puna o Faamatalaga: https://www.abc.net.au/news/2024-12-19/vanuatu-australian-citizens-return-raaf-deadly-earthquake/104746126
