O le mae’a ai o le taamilosaga Oceania Rugby U20 Challenge, ua filifilia ai loa e le pulega a le Moana Pasifika Under 20 tama e toavalu mai le Junior Manu Samoa ina ia auai i le Super Rugby Under 20 lea o le a faia mai i Niu Sila.
O le tausaga lona tolu lenei talu ona amata mai lenei taamilosaga faaletausaga, ma o le tausaga lenei o le a faia i Taupō mai le aso 19-25 Mati, i le Owen Delany Park i Taupō.
I le itulau a le Lakapi Samoa i luga o le facebook, o loo faailoa ai suafa o nei alii talavou, ma momoli ai le faamalo i lea avanoa mata’ina ua latou maua.
O loo momoli ai ma upu faamalosiau i tama uma nei ua filifilia, ina ia faaaogā lelei lenei avanoa e avea ai foi i latou ma avefu’a e faalauiloa atu le mitamitaga o Samoa e tauala atu ia latou taleni o le a latou faatino i lea taamilosaga.
O i latou ua filifilia e aofia ai:
1. Wally TAU VESI
2. Senio Manu FAALUPEGA
3. Tagiilima Justice RIPINE
4. Malaesaili ELATO
5. Panaua NIULEVAEA
6. Faalava TOETU TUAMASAGA
7. Christopher AFAMASAGA
8. Alex LUI TAFILI
