E toatolu tagata ua faamaonia na pueina e leoleo ina ua maua faamaoniga o le gaosia o fualaau faasāina i se fale i Takapuna i le afiafi ananafi.
O lipoti a le Newshub ua faailoa ai lea tulaga ina ua saunoa ai se sooupu a leoleo e faapea na o latou faatino se suesuega i le tuatusi lea i Anzac Avenue.
Fai mai e toatolu tagata na iai i le tuatusi lea ma sa pueina uma i latou ia ma taofia.
Fai mai molimau a se sui o le St Johns sa o latou togafitia se tagata e toatasi ma aveina atu i le falemai i North Shore ma o loo tigaina.
Fai mai leoleo o le tagata lea o loo i lalo nei o le vaaiga a leoleo i le falemai ma o loo faatalia moliaga.
O loo faatalia se isi lipoti a leoleo i lenei mataupu.
