E to’atolu tagata maliliu ona o faalavelave tau taavale i le po anapo i le South Island.

E lua taavale na feto’ai i luga o le State Highway 1 i le te’a o le fitu anapo i Greta Valley ma fasiotia ai tagata e to’alua.

E lua itula mulimuli ane ae toe maliu le isi to’atasi ona o le faalavelave na tula’i mai i Albury i Mackenzie.

Mai leoleo i le taeao nei o loo faaauau pea su’esu’ega a leoleo i faalavelave nei e lua.

E lē o faitaulia i faalavelave nei anapo le isi faalavelave na feto’ai ai le pasi e feavea’i ai turisi ma taavale e lua i luga o le State Highway 6 e lata i Queenstown lea na maliu ai le tagata e to’atasi ae manunu’a le to’a 20, ma o lea na tupu i le te’a o le fā i le afiafi lava ananafi.

O le faalavelave lenei i Saute o Queenstown e oo mai i le taeao nei pe ā ma le to’a 12 i latou o loo taofia pea i le falema’i.

Puna o Faamatalaga: Three die in separate crashes in South Island overnight