Toatolu manunu’a ile faalavelave I Penrose

Fetoai se taavale ma se loli I le taeao analeila ile faaitu o Penrose ise vaega pisi o le alatele ma tapunia ai nisi o magaala I lea faaitu ao faia galuega fesoasoani.

Fai mai leoleo e toatolu tagata na faamanualia ai ma sa auina atu I le falemai mo togafitiga. Ole faamatalaga mai le aufaigaluega a le St Johns Ambulance e toatasi le tagata sa ise tulaga tigaina ma leisi foi e fai si tuga o manuaga.

O le lipoti mai le tineimu na taua ai e iai le tagata na omia I totonu o le taavale ma sa faia galuega laveai a le tineimu mo le aveesea mai ma le taavale . Poo le ta o le ono I le taeao na tupu ai le faalavelave ma o le vaega o faalavelave tuga a leoleo o loo feagai ma le suesuega. I isi lipoti mai le Northern Motorway na poloka foi se tasi laina ole alatele lata I le city I Greville Rd ona o se faalavelave tau taavale , o loo talia se lipoti lata mai o lea faalavelave ae ua fautuaina pea le atunuu femalagai ina ia mataala ma faifai lemu foi le saosaoa aua e sili lava le puipuia I lo le tau togafitia.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required