Pe a ma le 5 afe tagata ua avea nei ma tagata nofomau I niusila I lalo o se tasi o faiga a le malo na amata I le masina talui ai ma o loo aupito toatele ai tagata mai Initia, Aferika I Saute ma le atu Filipino ia I latou ua talia talosaga.
Ua faamatala e nisi oi latou ia le tala fiafia ile newshub e le gata ilenei avanoa faaauro ae o le vave foi ole faagaioiga o lea tulaga ma ua maua mai faamaoniga ma maea foi ona tuuina I tusifolau le faamaoniga o nofomau.
Toeitiiti 30 afe tagata ua maea ona talosaga mo le one off residence visa lea ma e ono oo atu I le 165 afe o ilatou ia e ono agavaa mo le faaiuga o le tausaga. O tagata malaga mai i Niu Sila, migrants, e mafai ona agavaa pe afai ua atoa le tolu tausaga ma sili atu talu ona iai I Niu Sila, o se tagata faigaluega e iai le tomai patino ise galuega, skilled worker ma o se galuega foi o loo manaomia tele ai tagata faigaluega.
O le molimau a le toatele oi latou ia ua maea ona faamautuina avanoa, e pei ua manumalo ise faailoga tele ole lotto ina ua vaaia stamp ma faamaoniga I o latou tusifolau ua faamaonia ai I latou o tagata nofomau I Aotearoa.
