Ua pu’e faapagota nei e leoleo le to’a fāsefulutolu (43) o tagata ma ua taofia ai le 96 o laau malosi o fana, mai sa latou galuega tele, ua faaigoaina o le Operation Black Onyx.
O se faigāpaaga ae o se galuega o tuaoi i le va o Ausetalia ma Niu Sila – taumafaiga ina ia taofia gaioiga faasolitulafono o loo aumai faananā ai laau malosi i totonu o atunuu e lua.
I lipoti mai le leitio faavaomalo a Niu Sila, na faamauina ai, o lea galuega tuufaatasi na amata faatino mai i le va o le aso 13-19 o Oketopa, ma na galulue ai sui o le vaega ua ta’ua o le National Illicit Firearms Working Group, o ē mai le auaunaga a leoleo Niu Sila ma Ausetalia.
I le faatautaia ai o lea galuega tele, na māua ai le faatino ai e leoleo o sa’iligia e ala i le faaaogaina o pepa faataga poo search warrants ma le silia atu ma le 110 moliaga, ma le 34 o aisiga i nofoaga, ma le le 15 o vaega o fana na maua i sa’iliga.
Ta’ua e le ta’ita’i leoleo asiasi, o le leoleo su’esu’e faapitoa foi, Detective Inspector Andrew Alexander, o se galuega ua manuia ona o le galulue feoeoea’i o atunuu e lua, ma le tele o nisi o paaga mai fafo.
Na faafetaia e le ta’ita’i leoleo asiasi, le Pulega o le Saogalemū o ‘Au’upega le Firearms Safety Authority and the Firearms Registry i le tali atu i le galuega sa’ili o ē o aafia i le tulafono.
O lea galuega tele, na aga’i tonu lea i le sa’ilia o tagata o loo umia faasolitulafono ‘au’upega, o le umiaina o vaega tau laau malosi e aunoa ma se pemita.
O le naunauta’iga ina ia taofia le iai o nei laau malosi i totonu o le atunuu, ma ia malupuipuia aiga ma tagatānuu mai le ono aafia i nei ‘au’upega mata’utia.
Puna o Faamatalaga: https://www.rnz.co.nz/news/national/577195/operation-black-onyx-dozens-arrested-in-nationwide-firearms-crackdown
