Ua moomia se iloiloga e agai i le aufaigaluega o loo fesoasoani i galuega a faiaoga poo relievers.
O lea ua iai lapataiga o le toatele o relievers ua faamavae mai a latou galuega, ma o lona uiga ua atili toagaogao ai ma faiaoga.
I faamaumauga e 3000 relievers ua faaitiitia ai le aufaigaluega i le taimi lenei e faatusa i le 10 tausaga talu ai.
Ua fai mai ai le NZ Educational Institute ua matuai moomia le toe vaavaai ma faia se isi fuafuaga i relievers.
Na ta’ua ai foi e le peresetene ia Mark Potter a o faatalanoa ai i le Checkpoint a le leitio a Niu Sila, o totogi le isi itu tāua ua matuai moomia ona toe laga mai i luga ma iloilo aemaise o auala e faatumau ai le aufaigaluega.
Na molimau ai le peresetene o le toatele o aoga ua le mafai ona maua ni relievers o lea ua toe tuufaatasi vasega pe a oo i aso ua leai ai se reliever.
