E faitau miliona tagata Ausetalia o le a mafai ona faia fua tuipuipui e aunoa ma ni totogi mai faletalavai a komiuniti e amata atu le vaiaso fou.
Amata i le aso 1 o Ianuari o le a lē toe totogia e gasegase le admin fee ona o suiga ua faia nei i le National Immunisation Program a le Malo.
O suiga la ia o le a faasao mai ai tupe a gasegase aemaise o tupe e totogi e agai ai e vaai le fomai.
Fai mai le peresetene o le Pharmacy Guild of Australia, o le faiga lea o le a fesoasoani e faamāmā avega mo auaunaga a falemai lautele ma o se tala fiafia foi mo tagata Ausetalia ma aiga.
O i latou e agavaa o le a mafai ona o latou faaaogāina soo se tuipuipui i lalo o le polokalame lea o le NIP tusa lea ma le 6 afe o faletalavai a le komiuniti i vaega eseese o le atunuu.
