E toatele tagata na vaaia le taeele pea i le sami i Ueligitone i le faaiuga o le vaiaso e ui i faatonuga na sau e le tatau ona taeele ona o vai leaga lea na faaalu agai i le sami.
O lea na faamaonia mai e le Wellington Water i le vaiaso talu ai le faaalu o le 38,000 lita o vai leaga mai le Moa Point treatment plant ma sa le tatau ai ona agai nisi e taeele i le sami mo le 2 i le 3 aso.
Peitai i le vevela tele o le faaiuga o le vaiaso na vaaia ai le toatele i Lyall Bay, masalo o le lē kea poo le lē iloa.
E oo mai i le Aso Faraile o loo iai pea faailoilo i Lyall Bay o loo faailoa ai i tagata e faasa le taeele, peitai e lei taofia ai le toatele na o ane mo taelega.
O ananafi na faatoa faamautinoa mai ai e le upega tafailafi a le Land, Air, Water Aotearoa ua saogalemu matafaga i Ueligitone mo taelega.
