E toeitiiti 2/3 o tagata palota o le atunuu e manatu o loo agai i le itu sese le atunuu i le taimi nei aemaise i le taugata o le soifuaga, faaletonu i le auaunaga soifua maloloina aemaise o soligatulafono.
O le palota faataitai sa faia ua faailoa ai o le 63 o tagata e manatu o loo sese le itu o loo agai iai le atunuu i le taimi nei, 21 pasene fai mai o loo agai i le itu sa’o ma le isi 15 pasene e lē o mautinoa se itu e ‘au iai.
E manatu lē o loo faaauluulu iai le faatinoina o lea palota faataitai, Michael Turner, e ao i le Palemia ona faia ni gaioiga i le taimi nei e toe faatulaga lelei ai nisi vaega ua misi i le silasila a le malo ae o loo mataitu e le toatele.
O le taugata lava o le soifuaga le tulaga o loo laualuga i finagalo o tagata e ao ona faia iai se faatatau.
