O le toatele o tagata na filifilia mo le palota faapolokiki a le 1News Kantar Public Poll e mananao e faaitiitia lafoga totogi.
O le palota lenei na faia i le vaiaso talu ai ma e silia ma le ‘afa na fesiligia – pe faamata o le taimi lelei lenei e faaitiitia ai lafoga totogi i totonu o Niu Sila.
E 52% na tali mai i le ioe, 35% e leai ma le isi vaega e leai se tali.
O se mataupu e lei lotea e le malo a o feiloai ai i le faaiuga o le vaiaso faatoa uma atu, ae mai le taitai o le National Christopher Luxon, o loo ia matuai lagolagoina le tatau ona faaitiitia lafoga totogi.
Fai mai Luxon o le mea ua tatau ona fai ina ia toe maua ai e tagata Kiwi se isi vaega o totogi se’i fesoasoani ai i le taugata o le soifuaga ua iai.
Ae mai tagata suesue faapitoa i itu tau i le tamaoaiga, a o mananao ai tagata e faaitiitia lafoga totogi ma fai mai o le tele o le tupe alu o le atili alu foi lea i luga o le inflation, o le fesili o ā poloketi o le a lē faataunuuina ona ua leai se tupe.
