Ua faamaonia mai e leoleo e toatasi se tagata ua maliu i le faalavelave na feto’ai ai ni taavale se lua i se highway i le itu i Sisifo tutotonu o Niu Sa Uelese.

Fai mai leoleo na feto’ai taavale ia e lua i le Castlereagh Highway e lata i Mudgee i le taeao analeila.

O se isi taavale na pasi ane i le auala lea na fesoasoani atu i le isi avetaavale fai mai o se tama pe a ma le 80 tausaga le matua, peitai na maliu lava mulimuli ane.

O le isi avetaavale e 22 tausaga le matua o se tamaitai, sa togafitia ai e paramedics ma aveina i le falemai.

Ua tapunia le highway lea a o faagasolo suesuega ae molimau nisi o le matuai poloka o femalagaa’iga i le tele o magaala e lalata ane i lea nofoaga.