E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona i le atunuu ae fai mai pe ā ma le 15 miliona se tupe e maua ai.

Fai mai leoleo o le toaono uma lea e aumau i Melepone ma o isi e iai sootaga i aiga mai Sasae Tutotonu o loo aafia i soligatulafono tetele i Ausetalia.

Ua pueina i latou ia i le mae’a o le 16 masina o le suesuega na faia e galulue faatasi ai leoleo ma le Border Force ma ua feta’ua’ina foi o nisi o i latou ua pueina e faigaluega i tulaga lelei i kamupani la’uoloa ma ua atili faigofie ai ona faatino a latou fuafuaga.

O se feiloaiga a leoleo ma tusitala i se taimi o le asō o le a maua nisi faamatalaga i le mataupu lenei.