E toalua ni tagata mai atunuu i fafo atu o Ausetalia ua molia i le gaoia o tupe e silia ma le 2 miliona o le tau o fale i le taimi na gaoia ai le silia ma le 60 fale i le itu i Saute i Sasae o Melepone.
Ua feta’ua’ina e leoleo ua o latou maua e silia ma le 80kilo o oloa gaoia e aofia ai se vaegatele o tupe, jewellery, ato taugata ma lavalava, fai mai na taofia mai le uta lea ae toe o ni nai itula aveesea ma le atunuu.
O ia oloa na maua i se container la’uoloa e talitonuina na gaoia e ni tagata Lithuania e toalua e 50 tausaga o le isi ma le isi e 37 tausaga i le va o Me 2022 ma Iulai 2023.
O le Aso Lulu talu ai na pueina ai ae ua faailoa e leoleo e 12 masina o o latou mataituina gaioiga a le toalua lea i se suesuega na galulue faatasi ai ma le Australian Federal Police ma isi ofisa faaletulafono faavaomalo.
