E toalua ni alii o loo feagai ma moliaga o ni faiga taufaavalea sa la faia i tagata Niu Sila e aofia ai le faitau miliona o ni text taufaasese.
O le faamatalaga mai leoleo e faapea e oo atu i le 100 afe se vaegatupe e foliga ua gaoia mai ni tagata na aafia i nei faiga taufaavalea ina ua mafai ona maua le avanoa o le autaufaavalea i tusitupe a ia tagata.
O loo galulue pea leoleo ma le matagaluega o mataupu Ministry of Affairs i se suesuega i tulaga faapea i luga o upega tafailagi talu mai le 2022.
O le aualii e toalua ua pueina e leoleo i Aukilani i le vaiaso nei fai mai o ni tagata UK ma sa aveesea mai ai ma masini laptops ma telefoni ma isi i le nofoaga na pueina ai.
O i laua ia e 18 ma le 19 tausaga le matutua ma sa tutulai i le Faamasinoga Faaitumalo i Aukilani i moliaga e 22 faasaga ia i laua ma fai mai leoleo e ono iai isi e pueina foi i le mataupu lava lenei a o faaauau ai suesuega.
