O loo faaauau pea galuega a leoleo ma le aulavea’i i le faalavelave na aveesea mai ai ni tino maliliu se lua mai se vaitafe i Niu Sa Uelese i le po anapo.

Fai mai lipoti a le ABC o alii e to’alua na malaga ane i se taavale na tifa ese ma le alatele ma tofu ai i le vaitafe lea i le itu i Matu o Niu Sa Uelese.

Na valaau ane ai leoleo i Fairy Hill i le itu i Sisifo o le pitonuu o Lismore poo le ta o le 10 i le po anapo ina ua tofu le taavale lea i le vaega o iai se alalaupapa ma pa’ū i totonu o Richmond River.

Fai mai e to’atolu tagata sa iai i totonu o le taavale i le taimi na lavea ai, to’alua alii ma le tamaitai e to’atasi, na mafai ona aga’i ese mai le tamaitai i fafo mai le taavale e le’i lavea peitai o alii e to’alua lea e talitonuina o i laua ia ua maliliu, sa iai pea i totonu o le taavale.

Ua tapunia auala e lalata atu i lea nofoaga a o faia su’esu’ega.

Puna o Faamatalaga: https://www.abc.net.au/news/2025-03-27/two-people-dead-after-car-crashes-into-river-near-casino/105101286