E toalua ni alii na molia e leoleo i le vaiaso ua mavae mai Savaii, o le isi e 43 tausaga le matua mai afioaga o Saleaula ma Mauga ae o le isi e 40 tausaga mai Samalaeulu.
O se sailiga a leoleo i Savaii na maua ai ia alii ma le 200 laau mariuana faapea se laaumalosi ma ni ututau.
Na faaalia e le tamaitai sui komesina ia Papalii Monalisa Tia’i Keti o loo ua molia ma taofia nei i laua i le vaaiga a leoleo e faatali ai le aso e tulai ai i le Faamasinoga.
Ae na faafetaia e le Matagaluega le galuega faifaatasi a afioaga o loo fesoasoani atu e logoina le ofisa pe a vaaia ma masalomia o loo totō laau faasāina o le mariuana.
