O le asō lea ua fuafua e tutulai ai i luma o le faamasinoga i latou ua pu’eina ma molia e leoleo i le faalavelave na faaaogā ai ni fana i le pitonuu o Mt Roskill i le tausaga na te’a nei. O le faalavelave lea na manu’a tigaina ai se tagata i Morrie Laing Ave ma fai mai leoleo ua faasolo ina toe manuia.
O le suesuega a leoleo na faataunuu i le asō i nisi o fale na maua iai ni auupega faasolitulafono ua ave e leoleo faatasi ai ma le pu’eina o se alii e 21 tausaga ma isi alii e to’alua e ta’i 27 tausaga le matutua ma le isi e 33 tausaga o le a tulai i le faamasinoga i se taimi mulimuli ane.
Ua faailoa mai e leoleo o loo faaauau pea le suesuega ma e ono iai nisi moliaga.
