Teuteuga o fefaatauaiga saoloto a Niu Sila ma Saina

Ua maea sainia le teuteuga o le maliega o loo limataitaiina ai fefaatauaiga saoloto I le va o Niu Sila ma Saina

O lea sainiga aao na faia I se sauniga online I le va o le minisita o pisinisi a Saina, Wang Wentao ma le minisita o fefaatauaiga a Niu Sila, Damie O’Connor

I se pepa o faamatalaga o loo taua ai e O’Connor o lenei maliega fou o le uluai taimi lea ua ave ai le faataua I le siosiomaga ma lona puipuiga ao fefaatauai

O loo sau ai foi I lea maliega le leai o se lafoga I luga o oloa faatau atu a Niu Sila I totonu o le tasi tausaga mo le tele o dairy products, ae tolu tausaga mo susu pauta

Mo laupapa faapea pepa faatau atu a Niu Sila, o lea foi o loo sau I lea maliega le leai o se lafoga totogi pe a taunuu I Saina

O Saina o le paaga aupito I tele lea a Niu Sila o loo o laua fefaatauai, ma o loo sau ai le tusa ma le $32 piliona I le tausaga Ao logomalie ai nei penefiti mo Niu Sila ma ana fefaatauaiga e tusa ma faamatalaga mai le minisita, e faatoa aloaia pe a ioe iai le palemene

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required