O le afifi lea na aumai i le meli e 214 kalama le mamafa o le laau faasāina o le maruana na fafao mai ai i se taga pepa iila, o lea ua molia ai le alii o Manuele Steven Charles o Afiamalu.

Ua ia teena moliaga a leoleo ma ua faatulaga ai o le masina o Me o le tausaga nei e valaau ai molimau a leoleo.

Ua tatala o ia i tua i aiaiga masani e pei o le saini i le ofisa o leoleo ma tuuina atu ona pepa malaga ma tusifolau e taofia e le faamasinoga.

Ua faatonuina foi e tapu ona ia taumafai e faafesoota’i molimau a leoleo.

O lea taulealea ua molia ina ua maua ai e le ofisa o le tiute ma ta’ifau sosogi a leoleo le afifi o loo iai maruana.

Na maua lea nakoti e le’i oo atu i lima o i latou na faamoemoe e ave iai.

E lei va ni aso na maua ai le nakoti o le aisa e 10 kilokalama ae maua le afifi lea o le maruana e pei ona faamauina e 214 kalama lona mamafa.