Ua faailoa e leoleo falepuipui i Niu Sa Uelese o le a faia sa latou tetee ona o le toe suia o moliaga o se tasi o leoleo falepuipui i le fasioti tagata. O le mataupu lea e aofia ai le fanaina o se pagota na taumafai e sola ese ma le Lismore Base Hospital i le 2019.
Na molia ai le leoleo falepuipui lea i le fasioti tagata pa’ivalea peitai ua toe suia mai nei le moliaga e le Faatonu poo le Public Prosecution Director, ma faailoa ai o le a molia i le fasioti tagata faamoemoeina.
Finauina e leoleo falepuipui na gaioi lē o loo aafia e tusa ma le tulaga e faatino ai o latou tiute i mataupu faapea aemaise lava pe afai e osofa’ia e pagota leoleo a o taumafai e sosola ese.
Ua faatali nei la le faamaoniga o le taimi o le a faatino ai le tetee lea a leoleo falepuipui mai falepuipui eseese i Niu Sa Uelese.
