O moliaga e 12 a leoleo ua tuuaia ai le alii faipisinisi Asia o se tagatanuu o Saina o Liu Tao poo Tao Liu, e fitu moliaga ua teena e lē ua molia ae ioe i moliaga e lima.
O moliaga ua ia teena o loo tuuaia ai i lona taumafai e faaoo le maliu i ni alii leoleo se toatolu e ala i loma faapa os e laau malosi sa ia umia. O loo teena foi e lea alii faipisinisi Asia le moliaga o le faaoomanu’a tūga i se isi alii leoleo, ma o ia malu o le malo sa aofia i le vasega o leoleo sa agai i Siusega e faatino o latou tiute ina ua logoina le manaomia o se fesoasoani ise gaoiga sa faatino e le ua molia ise tamaitai sa avea ma ona toalua ae ua le’o toe mafuta.
O isi moliaga e tolu o loo teena e Liu Tao poo Tao Liu o lona umia ma le faaaoga o se laau malosi e lei lesitalaina faaletulafono.
O le aso Gafua o lenei vaiaso na toe valaau ai lea mataupu ma faamautu ai loa moliaga mulimuli a leoleo ma tuuina atu ai ma le tali a le ua molia. Ua ia ioeina moliaga e tolu o lona faapa o se laau malosi ua uma ona utu i pulu poo ututau.
O loo faaauau pea ona nofo taofia Liu ona o loo tetee malosi iai loia a leoleo e tatala i tua, peitai o lea ua faaulu e lana loia se talosaga e finau ai le tatala i tua o le ua molia ini aiaiga ma o le vaiaso fou e valaau ai lea talosaga.
E pei ona silafia o le gaioiga solitulafono a lea tagata faipinisi mai Saina sa faamanualia ai se alii leoleo ile laau malosi sa umia e le ua tuuaia.
