O le asō e faia ai le tetee e fā itula a tagata faigaluega i fale suetoto poo i latou nei i le New Zealand Blood Service laboratory ma e ono aafia ai ma nisi o taotoga e moomia ai lea auaunaga.
O lea na muai lapatai e le Blood Service falemai i le ono aafia o le sapalai o le toto e lē gata i le tetee i le asō ae o le long weekend ua iai nei i le faamanatuina o le King’s Birthday.
O le auaunaga lenei o loo ia sapalaiina toto i fale mai e iai Aukilani, Waikato, Palmerston North, Ueligitone, Kalaiesetete ma Dunedin faapea ai ma nisi o falemai tutoatasi ma falemai laiti i tua.
Ae e lei oo mai la i le asō ma aafiaga o taotoga ma nisi o siaki tuga ua tolopo, o lea lava foi o loo faatuai le tele o isi o taotoga ona o tetee a fomai ua ta’ua o junior doctors lea foi o loo faaauau mo le 49 itula faamoemoe e uma i le ta o le valu a taeao i le taeao.
Ma a o fefaloa’i ai la fomai faapea tagata galulue i fale suetoto i le va ma le matagaluega o le soifua maloloina ona o totogi, o gasegase foi lea o loo aafia ai ona o le tele o siaki ma taotoga ua tolopo.
Puna o Faamatalaga: Significant risk to blood supply as Blood Service lab workers strike | RNZ News
