Ua faifaitetele ane lava valaau mo le toe suia o le nofoaga ua fuafua e fausia ai se falemai fou a Ausetalia i Sisifo mo tina ma pepe.

O le Aso Gafua na faailoa ai ni finagalo faaalia o nisi o kulupu a mātua e faatatau i le mataupu lea, o se petition ua faia nei ina ia sifi ane le nofoaga o le falemai fou mai Murdoch e tusa lea ma le 19kilomita mai Perth i le falemai a tamaiti ma o loo taitaia lea finauga e le taitai o le Liberal o Libby Mettam lea na ia ta’ua e oo atu i le toa 40 pepe o le a ono maliliu i le tausaga pe a faaoo pea lea fuafuaga.

O le manaoga o finauga ua faailoa atu nei ina ia fausia le falemai fou lea o tina ma pepe i tala ane o le falemai o tamaiti i le QEII Medical Center ae le o tala ane o le Fiona Stanley Hospital e pei ona muai fuafuaina.

Fai mai o tausaga taitasi e lata i le 40 le aofai o pepe e aveina mai le King Edward Memorial Hospital agai i le falemai o tamaiti i Perth.