E toatele tagata o le komiuniti Pasefika na oo iai le fesoasoani a health providers talu mai ona sau le Koviti, peitai e le maua uma.
O le molimau a le Pasifika Futures o taimi o le Koviti seia oo mai lava i taimi o lologa na molimauina ai le tele o le fesoasoani na mafai ona maua e aiga Pasefika faapea le komiuniti lautele.
Na molimau le pule sili o le Pasifika Medical Association Dr Debbie Sorensen i tala a le Stuff e tusa ma le 69,609 aiga Pasefika ma le silia ma le 300,000 lea na fesoasoani iai providers Pasefika.
O ni fesoasoani na faafetaia ma faalauiloa ananafi a o tatala aloaia le koneferenisi a le Pasifika Futures Whanau Ora i Manukau.
Ua sau ai ma le faamalosi e faaauau galuega lelei ina ia mafai ona faasoo uma ai tagata Pasefika o loo moomia le fesoasoani.
