O le saunoaga faamanuia o le Tausaga Fou a le taitai o le Malo le afioga i le tamaitai Palemia, Afioga Fiame Naomi Mataafa, ua toe faatepa ai le atunuu i tulaga faigata sa feagai ma le Malo, i le pipisi o le faama’i Koviti-19, ma luitau i fuafuaga a le Malo i le toe faaleleia o le tamaoaiga e mafua i aafiaga o le faama’i.

O taumafaiga a tamafanau a Samoa i taaloga e pei ona a’e manuia nisi o fa’agatama sa tausinio ai i faalagamaea faavaomalo, ma le toe tatala o tuaoi faavaomalo i malaga masani ma toe avanoa ai ona feiloai aiga, o se tasi lea o vaega tāua i taumafaiga e toe siitia le soifua manuia o tagata e pei o le sini o le faamanatauina o le 60 tausaga o le Malo Tutoatasi o Samoa o le folau ma le faatuatua.

Le afioga i le Tamaitai Palemia, Fiame Naomi Mataafa, i lana saunoaga faamanuia o le Tausaga Fou 2023.