Ua fai si tele o lipoti o tagata malaga ua o latou faailoa le lē fiafia i le leiloloa o a latou ato ma uta i le malaevaalele i Aukilani lea fai mai le lipoti a le Newstalk i le taeao analeila e iai se tama na malaga mamao mai i le taavale mai Tauranga i Aukilani e saili le ato a si ona tina matua.

O lea tina matua na malaga mai Sikotilani ma fai mai e 10 aso faatoa maua ana ato ae ua fiu le aiga e saili se fesootaiga e faatatau i ia tulaga. 

O le faamatalaga a le malaevaalele afai o saili sau ato poo uta valaau i le kamupani vaalele na e malaga mai ai ma ua faailoa e se sooupu mai le malaevaalele i lea lava lipoti o se faafitauli lea o loo feagai pea ma le auaunaga.

O se tasi itu o loo faaleo ai faasea a tagata malaga o le umi o le taimi e faatali ai faatoa maua ato ma ua le fua tasi foi i se malaevaalele lea faafitauli.

Fai mai le malaevaalele i Aukiani o aafiaga lava o suiga ma fetuunaiga i atunuu i fafo lea foi o loo maua ai ma aafiaga i Niu Sila nei mo pasese malaga mai.